點解啲人應該睇/早D睇醫生就偏唔去睇呢？
1.
北方佳麗早前帶個一歲嘅BB仔過嚟睇，話發左兩三日燒。呀媽有帶過佢睇醫生，仲有開抗生素提佢一定要開始食。但係當然阿媽自把自為，淨係比退燒藥佢食，諗住再睇定啲先算。最尾B仔日日都仲燒，所以等左幾日先至呀媽肯開始俾抗生素佢食。
黎到我個陣已經燒左7日。睇粵語殘片都知道小朋友咁樣會燒壞腦。拿拿臨叫阿媽帶佢睇專科甚至乎急症。
唉，個呀媽咁叻，自己做埋醫生。希望B仔捱得大啦～～ 祝你快高長大。
2.
北方佳麗2同我講話佢覺得下面生咗啲嘢唔係咁舒服。不過佢唔敢睇所以想我睇。上床除褲檢查，發現佢有幾粒蠶豆咁大外置痔瘡。你冇睇錯，係「幾粒」同埋「蠶豆咁大」。冰封三尺非一日之寒。呢幾粒豆豆唔係一夜之間生出來架啵。佢去便便嘅時候抹嗰陣冇Feel到有啲嘢唔對路，有幾個小山丘仔喺度頂住頂住咩？佢幾好彩呀，嗰幾粒野冇爆，冇血流成河。
走啦，過主啦，去睇專科啦。痴線。同埋得閑大家就望下自己嘅身體結構係點樣樣啦。你唔知咩係Normal，又點會知乜嘢係Abnormal呢？
～～～
終於唔係圖文不符，貼心送上一堆豆豆 ☺️
Ref： https://goo.gl/images/tTwi4E
～～～
天氣咁熱，最啱Lunch開大冷氣打邊爐 🤩
Search